Еңбек қауіпсіздігі және еңбекті қорғау талаптарын сақтау мақсатында 2019 жылғы 27 желтоқсанда еңбекті қорғау бөлімі ауыр техниканы пайдалану учаскесінің, жөндеу қызметі мен электр цехінің жұмысшыларымен оқу-әдістемелік сабақ өткізді.

«Жазатайым оқиғалар кезінде алғашқы дәрігерге дейінгі көмек көрсету» тақырыбындағы бірінші мәселе бойынша еңбекті қорғау бөлімінің бастығы Исенбаев М.А. баяндады. Сатып алынған «Александр-0,1» манекенінде клиникалық өлім кезінде зардап шеккен адамға реанимациялық іс-шараларды көрсету әдістері көрсетілді. «Өкпені жасанды желдету – жасанды тыныс алу» және «Жүректің сыртқы массажы» көрсетілді.

Мына әдіс-тәсілдер көрсетілді: жарақат кезіндегі алғашқы көмек (қан кету); қан кетуді бұраумен тоқтату; сынулар мен шығулар кезіндегі алғашқы көмек;

Екінші сұрақ бойынша бас механик О. Б. Ульянов қатысушыларды жүк көтеру механизмдерімен және қысымдағы ыдыстармен жұмыс кезіндегі қауіпсіздік шараларымен таныстырды. Қорғану құрылғылары үлгісінде (кері клапандар, автоматты қорғану құралдары және т.б.) қауіпті құрылғылармен, механизмдермен жұмыс істеу кезінде апаттық жағдайларды, жазатайым оқиғаларды қалай болдырмау керектігін көрсетті.

Үшінші сұрақ бойынша бас энергетик Корчинский Б.А. электр аспаптарда (электр дрелі, болгарка) пайдалану тәртібін, бұзылған жағдайда сақтану шараларын көрсетті.

Осылайша, алғашқы дәрігерге дейінгі көмекті зардап шегушінің жанында болған адам дер кезінде көрсете алады және көрсетуі тиіс. Кәсіпорынның әрбір қызметкері өз кәсіби міндеттерін орындағандай білікті көмек көрсете білуі және қысымдағы ыдыстармен, жүк көтеру механизмдері мен электр аспаптарымен жұмыс істеу кезінде қауіпсіздік техникасы талаптарын сақтауы тиіс